Author Archive

Home / Author's Article(s) / higazte

 

Martxoan Hi gazte! dinamikarekin hasi eta Gipuzkoan barrena ibili eta gero gaur egin dugu Tabakaleran azken jaia. Pandemia egoeragatik dinamika osoan osasun neurriak zorroztearen aldeko erabakia hartu genuen, eta gaur ezin zen beste modu batean izan. Hala, saio borobila izan da! Ikasle batzuek bertatik bertara jarraitu ahal izan dute ekitaldia, eta Gipuzkoako beste ikastetxetako ikasle asko eskolan bertan egon dira streaming bidez jaialdia jarraitzen.

Hala, Joseba Sakristanek aurkeztuta, dinamikan zehar bidelagun izan diren Kai Nakai, Maialen Sorzabalbere, Ilargi, Odik eta beste hainbat artistak esku hartu dute ekitaldian, dantzariak izan dira eta sari potoloa, Iphone 12a Markel Olano diputatu nagusiak eman dio Oier Gastesi. Hala, bereziki instagram-en bidez hartu dute esku gazteek saioan, eta jaialdiak iraun duen bitartean zozketarekin soilik 1.600  interakzio izan ditu higazte!-k

Hiru dinamika izan dira guztira, eta dinamika bakoitzean erronka ezberdinak izan dira. Hauek izan dira sarituak:

Lehenengo erronkako saridunak:

  • Iphone 12aren saria: Oier Gastesi  / Laskorain Ikastola (Tolosa)
  • sari berezia (airpods-ak): Ekaitz Beraza / Laskorain Ikastola (Tolosa)

Bigarren erronkako saridunak:

  • Gopro9 Hero akzio kamera:  La Salle Berrozpe ikastetxeko ikasleak (Andoain): Eider Elizondo Gomez, Ainhoa Georg Urtasun, Nerea Igarategui Casillas, Ariane Rodriguez Muñoz, Hanny Romero Uvidia, Saioa Valle Maria, Paula Vicente Arranz eta Alexandra Ayala Cruz.

Hirugarren erronkako saridunak:

  •  Airpods-ak: Pasaia Lezo Lizeoa ikastetxekoa  (Pasi Donibane): Eneko Aranburu.
  • Airpods-ak: Herri Ametsa ikastola (Donostia): Noa Rilova. 

     

     

Hiru astez Gipuzkoako herritara Hi gazte! dinamikaren bigarren saioa eraman eta gero, Arantzazu moduko leku esanguratsuan eman diogu amaiera Hi gazte!-ri. Oraingoan ez dugu gainontzeko herrietan moduan, herriko aretoa erabili, ArantzazuLabera etorri gara, eta ederra izan da bertako instalazioetan ekimenari ginda jartzea. Hala, azken saio honetan Oñatiko BHIko ikasleak izan ditugu Iratxe Aguilerarekin (Kai Nakai) eta Maialen Sorzabalbererekin saioa egiten. Eta saio berezia izan da. Bi dinamizatzaileek ez dituzte goizean Bergaran indar guztiak xahutu, eta Arantzazuko saioa ere polita izan da.

Ohi moduan, Sarerako ikus-entzunezkoak sortzeko kontuan eduki beharreko klabe batzuk azaldu dizkiete Kai Nakaik eta Maialen Sorzabalberek. Saio praktiko modura, sketx bat grabatzeko ariketa egin dute, eta bigarren saioetan ohitura bilakatu den moduan, Arantzazun ere argi uztai bat zozketatu dugu.

Eta, cromatik pasa dira gura izan duten ikasleek, izan ere, Kai Nakairen Ipuinik ederrena abestiarekin bideoklipa egingo dugu Gipuzkoan barrena grabatu ditugun neska-mutiko guztiekin.

Ipuin ederra izan da.

Hi gazte! dinamika Bergarara iritsi da gaur eta Ipintza Institutuko ikasleek edrto gozatu dute goizak eman duenarekin. Ekimenak ez die ezustean harrapatu, duela pare bat hilzabete Arrasaten izan ziren dinamikaren lehenengo saioan, baina gaur bestelako dinamikarekin egin dute topo. Sarerako ikus-entzunezkoak sortzeko kontuan eduki beharreko klabe batzuk azaldu dizkiete Kai Nakaik eta Maialen Sorzabalberek. Saio praktiko modura, sketx bat grabatzeko ariketa egin dute, eta bigarren saioetan ohitura bilakatu den moduan, Bergaran ere argi uztai bat zozketatu dugu.

Nabarmentzekoa izan da ikasleek erakutsi duten jarrera, segituan sartu dira dinamikan eta ikusi da eroso ibili direla. Dinamika hauek talde txikiagoetan burutzen ari gara, eta saioen nondik norakoetan igartzen da hori.

Kai Nakairen Ipuinik ederrena abestiaz lagundurik egingo dugun bideoklipean esku hartzeko cromatik pasa dira asko eta asko. Atsedenik hartu barik, bagoaz Arantzazura! Oñatiko ikasleekin dugu-eta orain bigarren saioa!

Gaur Ordiziako Jakintza Ikastolako ikasleekin egin dugu ‘Hi gazte!’ dinamika, eta orain arte ez moduan, gaur ikasle den-denak pasa dira eskenatokitik! Goizeko azken ariketan izan da, ohi moduan cromaz lagunduta irudiak hartu dituzte Kai Nakairen Ipuinik politena abestiak lagunduta egingo duten muntaketan erabiltzeko, eta aipatu moduan, ikasle guztiek parte hartu nahi izan dute.

Hala, azken ariketan bakarrik ez, saio osoan zehar parte hartzeko gogoz etorri dira ordiziarak, eta zelan eskertzen den hori!!! Eta zer egin duten ikasleek gaur? Bada, hasteko, Kai Nakaik eta Maialen Sorzabalberek bideoklip bateko grabazioaren hasiera antzeztu dute, baina berehala konturatu dira grabazioa ez doala ondo, ez dagoela feeling handirik, izan ere, ez dute gaia batere garatu, ideiaren nondik norakoak pentsatu gabe hasi dira grabatzen. Bada, horra lehen ikasgaia, ideia bat garatuz hasi behar dela ikus-entzunezko bat. Ondoren, eta sare sozialetako adibide ezberdinak eta plataformak erabilita erakutsi dute lokalizazioak duen garrantzia, argiak berak, plano mota ezberdinak, audioak, raccord-ak…

Hala, teknika garrantzitsua da, baina baita edukiaren egokitasuna ere. Sare sozialetan zabaldu gura dugun edukia zer nolakoa den, instagram-eko zuzenekoek izan ditzaketen arriskuak, pribatutasuna zaintzea, hater-en aurrean ze jokabide izan… Esperientzia pertsonaletik egin dute berba, eta ikasleek adi jarraitu dituzte bertan esandakoak.

Eta saioren bigarren saioan ikasleen txanda iritsi da. Bikoizketa ariketak egin dituzte, ideiak garatu dituzte, eta taula gainera igotzera ere animatu dira, bertan kokatu dugun chroma-n irudi batzuk hartzera. Eta aipatu moduan, hor den-denek esku hartu gura izan dute parte.

Hurrengora arte Ordizia!

Atzoko eguna betea izan zen ‘Hi gazte!’ ekimeneko lantaldearendako, goizeko lehenengo orduan Errenterian egin zutelako saioa, eta hango gazteei sare sozialetako ikus-entzunezkoen master on bat eman eta gero –eta bidez batez, ederto pasatu eta gero…– gauzak batu eta Pasai Donibanen egin genuen bigarren geldialdia, Pasaiako Lezo Lizeoko ikasleak zain genituen-eta 13:00etarako.

Eskerrak Iratxe Aguilera (Kai Nakai) eta Maialen Sorzabalbere nekatuarazteko hori baino gehiago behar den, askoz ere gehiago! Bidean indarrak errekuperatuta, eta Errenteriako energia positiboa baliatuta, Juanba Berasategi aretoan batutako ikasleek ere ikus-entzunezkoetan sakondu zuten, sketx eta guzti. Eta nola ez, ohitura bilakatu den moduan, etorkizuneko sortzaileendako han ere argi-uztaia zozketatu genuen.

Adi bada! asteazkenean, maiatzak 5, Ordizian izango gara-eta!

Atzo, astelehena, Hi gazte! dinamikak dobletea egin zuen, eta esfortzuak bikoiztuz Iratxe Aguilerak (Kai Nakai) eta Maialen Sorzabalberek, ‘Hi gazte’-ko gainontzeko lantaldearekin batera Errenterian eta Pasai Donibanen egin zituzten saioak. Eta, egia esan, esfortzuak merezi izan zuen, bi lekuetan bikain hartu gintuzteten-eta!!!

Hain zuzen, dinamikako bigarren saio hau burutzen ari garen honetan behin eta berriro nabarmendu dugu, pandemia datuak tarteko, segurtasunaren aldeko apustua sendotu egin dugula, eta hori da arrazoia Gipuzkoan barrena egiten gabiltzan joan-etorriak areagotzearena, alegia, bazter guztietara iristeko ahaleginetan gabiltza! Izan ere, ikasleak batera eta bestera mugiarazi beharrean, ahalik eta herri gehienetan ari gara saioak antolatzen, ikastetxeetako taldeak errespetatuz eta aforoak mugatuz.

Bada, horixe egin genuen atzo Errenteriako Egiluze ikastetxeko ikasleekin, eta emaitza ederra izan zen! Berez, bigarren dinamika hauetan burutzen gabiltzan dinamika errepikatu genuen gazteekin: Sarerako ikus-entzunezkoak sortzeko kontuan eduki beharreko klabe batzuk azaldu zizkieten Kai Nakaik eta Maialen Sorzabalberek. Saio praktiko modura, sketx bat grabatzeko ariketa egin zuten, eta bigarren saioetan ohitura bilakatu den moduan, Errenterian ere argi uztai bat zozketatu genuen.

 

Hi gazte! dinamikaren bigarren saioa Amaia Antzokira iritsi da gaur eta COVID-19 kasuak tarteko Gipuzkoako datuak batere onak ez direnez neurriak gehiago zorroztu ditugu, eta hori horrela, Arrasateko Arizmendiko ikasleak izan dira soilik Amaia Antzokian. Hala ere, Almeneko ikasleek ere saioa jarraitu ahal izan dute euren ikastetxean bertan, streaming bidez eskaini dugu-eta emanaldia.

Hala, Arizmendiko ikastetxeko ikasleek ikus-entzunezkoetan sakondu dute Kai Nakairen eta Maialen Sorzabalbereren eskutik gidatutako saioan, eta sarerako ikus-entzunezkoak sortzeko kontuan eduki beharreko klabe batzuk azaldu dizkiete. Saio praktiko modura, sketx bat grabatzeko ariketa egin dute, eta bigarren saioetan ohitura bilakatu den moduan, Arrasaten ere argi uztai bat zozketatu dugu.

Hi gazte! dinamika Azpeitira iritsi zen atzo, eta aurreko egunetan Zarautzeko, Eibarko, Tolosako edota Andoaingo dinamika berberarekin jarraitu dute ikasleek, baina beti egoten dira aldaketa eta berrikuntza txikiak. Iraurgi ikastetxeko ikasleek ere ikus-entzunezkoetan sakondu zuten, aurreko saioetan moduan. Kai Nakaik eta Maialen Sorzabalberek sarerako ikus-entzunezkoak sortzeko kontuan eduki beharreko klabe batzuk azaldu zizkieten gazteei, eta esaterako, bikoizketak egin zituztenean igartzen zen aurretik ere ibilita zeudela horretan, bikoizketa ederrak egin zituzten eta!

Bestetik, sketx-aren tartean, Soreasu aretoa diskoteka bihurtu zuten eta sekuentzia txiki hori grabatzerako orduan eserlekuetatik bertatik mugikorretako argi danak piztu zituzten eta festa handi baten antzezlana egin zuten. Bada, dinamikan parte hartzeko gogo handiz etorri ziren azpeitiarrak.

Gogoratu bihar, ostirala, Arrasateko Amaia Antzokian izango garela!

 

 

Hi gazte!-ren bigarren dinamika Zarautzera itzuli da, eta oraingoan gazteek bi sortzaile berri ezagutu dituzte. Aurrekoan Ilargirekin eta Iholdi Beristainekin izan ziren gazteak, eta oraingoan, dinamika berrian, Kai Nakai eta Maialen Sorzabalbere izan dituzte bidelagun.

Hala, sarerako ikus-entzunezkoak sortzeko kontuan eduki beharreko klabe batzuk azaldu zizkieten gazteei. Horretaz gain, argi-uztai bat ere zozketatu zen bertan eta ikasleek ezustean harrapatu zuten, gogotsu, zozketa hori.
Aipaturiko klabeak praktikan jartzeko tartea ere izan zuten ikasleek. Hain zuzen, bikoizlari lanetan aritu ziren. Hala, aretoa bi taldetan banatuta, lehiaketa txiki bat egin zuten, ia nork bikoizten zuen hobeto antolatzaileek proposatutako sekuentzia. Ariketaren emaitzarekin argi gelditu zen badirela talentudun sortzaile gazteak.
Saio amaieran, maiatzaren 22ra arte gauzatzeko izango duten bigarren erronka aurkeztu zieten Iratxe Aguilerak eta Maialen Sorlzabalberek. Eta, ikasleen kolaborazio eta laguntzarekin sketx baten adibidea bertan sortu eta grabatu zuten. Aretoan, segurtasun neurriak uneoro errespetatuta, giroa bero-bero egon zen, gogotsu izan ziren ikasleak bai sortzaileak. Ikus-entzunezkoen munduan murgilduta izan ziren ordu eta erdiz, gaur egun gazteek sareetan erabiltzen duten hizkuntza oinarri hartuta.
Hala, kontutan izan gaur, hilak 28, Hi gazte! barruan Azpeitiko Iraurgi ikastetxekoak Soreasu aretoan izango direela (11:30) eta ostiralean, hilak 30, Arizmendiko ikasleen bisita izango dugula Amaia Antzokian.